Бөтә яңылыҡтар

Милли проекттың ыңғай һөҙөмтәһе күренә

Стәрлетамаҡта юл һәләкәттәре һәм унда зыян күреүселәр һаны кәмегән. Дөйөм алғанда, республика буйынса күрһәткестәр яҡшыра бара.

Милли проекттың ыңғай һөҙөмтәһе күренә
Милли проекттың ыңғай һөҙөмтәһе күренә

Ағымдағы йылдың беренсе кварталында Стәрлетамаҡта “Хәүефһеҙ сифатлы юлдар” милли проекты ярҙамында юл-транспорт ваҡиғалары һәм унда зыян күреүселәр һанын, былтырғы шул осорға ҡарағанда, 50 процентҡа тиклем кәметеүгә ирешелгән.

БР транспорт һәм юл хужалығы министры Александр Булушев белдереүенсә, милли проектты ғәмәлгә ашырыу бер нисә мөһим мәсьәләне хәл итә: юл сифаты яҡшыра (йәғни юл төҙөлөштәре, асфальт япмаһын яңыртыуҙар күҙ уңында тотола), транспорт ағымы көйләнә, юл-транспорт ваҡиғалары осраҡтары кәмей.

Ғөмүмән, республикала ыңғай динамика күҙәтелә – 2022 йылдың беренсе кварталында ДТП-лар 8,4 процентҡа әҙәйгән.

Фото: БР Хөкүмәте сайтынан.

Милли проекттың ыңғай һөҙөмтәһе күренә
Милли проекттың ыңғай һөҙөмтәһе күренә
Автор:Алһыу Ишемғолова
Читайте нас: