Юл фажиғәләре - 4 май

Уҙған тәүлектә генә балалар ҡатнашлығында дүрт автоавария теркәлеп, алты бала төрлө йәрәхәттәр менән дауаханаға оҙатылған.

Көндөҙ Өфөнөң Ленин районында 30 йәшлек ҡатын "Рено Сандеро" машинаһында тәүҙә алда барған "Шевроле Авео"ға төртөлгән, шунан һуң тимер ҡоймаға барып бәрелгән. Аварияла "Renault" машинаһының пассажиры, биш йәшлек ҡыҙ, йәрәхәтләнгән.

Өфөнөң Октябрьский районында 13 һәм 16 йәшлек үҫмерҙәрҙе йәйәүлеләр үткәүеле аша үткәндә бәрҙергәндәр. Улар ҙа дауаханаға оҙатылған.

Учалы районының Сәфәр ауылында 16 йәшлек үҫмер үҙйөрөшлө машинала юлдан осҡан. Аварияла ике пассажир, 16 һәм 14 йәшлек ҡыҙҙар, йәрәхәтләнгән.

Фото: БР ЮХХДИ.