Ике һәм өс йәшлек балалар 6-сы ҡаттан ҡолап төшкән!

Әлеге хәл Мәскәү янындағы Ногинск ҡалаһында булған. Аталары картуф алырға магазинға сыҡҡан арала 2 һәм 3 йәшлек малайҙар тәҙрәгә ынтыла. Беренсе лә түгел, икенсе ҡат та түгел, алтынсы ҡаттан һикерә балаҡайҙар. Ярай әле, уларҙы үтеп барыусылар күреп ҡала. Ҡыҙғанысҡа ҡаршы, шаһиттар сабыйҙарҙың береһен тотоп өлгөрмәй, ул түтәл өҫтөнә ҡолап төшә. Әле малайҙар дауахала, икеһенең дә баш мейеһе йәрәхәтләнгән. Осраҡ буйынса тикшереү үткәрелә.

Урындағы хакимиәт малайҙарҙы ҡотҡарған Дмитрий Куликовты, Нарек Авдалянды һәм Александр Сизовты дәүләт наградаһы менән бүләкләргә ниәтләй.