Эльбрус Ниғмәтуллин Өфөлә үтәсәк «Еңеү кубогы» Бөтә Рәсәй бәһлеүәндәр турниры тамашасыларын хайран ҡалдырырға вәғәҙәләне

9 майҙа көндөҙгө сәғәт 3-тә «Торатау» конгресс-холы янында стронгмендарҙың «Еңеү кубогы» Бөтә Рәсәй асыҡ турниры башлана. Спорт сараһын ойоштороу өсөн 3,5 меңдән ашыу кеше йәлеп ителгән.

• Өфөлә Башҡортостан һәм илдең башҡа төбәктәренең стронгмендары йыйыласаҡ. Бындай ярыштарҙы тәүге тапҡыр ғына үткәрмәһәм дә, был юлы мин спортсыларҙы ла, тамашасыларҙы ла хайран ҡалдырмаҡсымын – тип һөйләне Эльбрус Ниғмәтуллин «Башинформ» агентлығына.

Ярышты ойоштороусы һүҙҙәренсә, «Еңеү кубогы»нда спорт снарядтары РФ Хәрби көстәре яраҡһыҙ тип белдергән артиллерия снарядтарынан әҙерләнәсәк. Йәғни ярыштың төп шарты – химик боеприпастарҙы юҡ итеү, зарарһыҙландырыу һәм деформация һөҙөмтәһендә барлыҡҡа килгән ҡара металл ҡалдыҡтарын һындырып көс һынауҙа.

Турнир программаһында ғәҙәти булмаған спорт инвентары менән алты күнекмә яһау ҙа ҡаралған.  Артабан – Эльбрус Ниғмәтуллиндан эксклюзив.

Шуны билдәләп үтергә кәрәк: бынан алда донъяла бер кем дә артиллерия снарядтарын спорт инвентары сифатында файҙаланмаған.

Фото: Т. Аманов