Баланы ҡарап тормаһаң...

Ғәҙәттән тыш хәлдәр буйынса дәүләт комитетының матбуғат хеҙмәте баҡсала, дачала хәүефһеҙлек ҡағиҙәләре тураһында махсус иҫкәртмә әҙерләгән.

Әгәр ҙә дачаға бала менән килһәгеҙ, ошоларға иғтибар итегеҙ:

- баланың яраланыу ихтималы булған баҡса кәрәк-ярағы уның буйы еткән ерҙә тормаһын

- биләмәлә ағыулы үҫемлек булырға тейеш түгел

- һыу мискәһе (һауыты) бала төшөрлөк булмаһын

- баланы, талпан йә бөжәктәр булыуын иҫәпкә алып, кейендерегеҙ

- үҙегеҙ менән мотлаҡ аптечка алығыҙ.