Благовещен районында йән өшөткөс фажиғә...

Кисә төндә ашығыс хеҙмәттәргә Благовещен районының Бедеева Поляна ауылында янғын сығыуы хаҡында хәбәр килә. Тиҙ арала урынға Ғәҙәттән тыш хәлдәр министрлығының ҡотҡарыусылары ебәрелә. 

«Мчс»никтар килеп етеүгә ут телдәре ағас йортто ялмап алған була. Һанаулы минуттарҙа янғын һүндерелә, тик, ҡыҙғанысҡа ҡаршы, өй емереклектәре араһында 1952 һәм 1975 йылғы ирҙәрҙең мәйеттәре табыла. Шулай уҡ янғында 71 йәшлек ҡатын зыян күрә. Уны ауыр хәлдә Благовещен үҙәк район дауаханаһына оҙаталар. 

Әлеге ваҡытта янғын сәбәптәре асыҡлана. Фажиғә урынында һынау янғын лабораторияһы белгесе, тәүтикшереүселәр һәм тәфтиш-оператив төркөм эшләй.