Бәпембәнән бал бик файҙалы. Ә һеҙ уны эшләнегеҙме әле?

Бәпембәнән бал – организм өсөн витаминдар һәм мөһим микроэлементтар сығанағы ла. Әйҙәгеҙ, уның составын ҡарап үтәйек.

1. Фосфор уҡырға һәм эшләргә ярҙам итә, тештәрҙең торошона ыңғай йоғонто яһай.
2. Кальций организмда һөйәк һәм мускул туҡымаларын нығыта.
3. Магний туҡымаларҙа һәм ағзаларҙа йәшәү өсөн мөһим процестарҙа ҡатнаша.
4. Калий – йөрәк һәм мейе өсөн «төп» витамин.
5. Натрий йәш организмдың нормаль үҫешенә булышлыҡ итә һәм ҡан тамырҙарының һығылмалылығын һаҡлап ҡалырға ярҙам итә.
6. Тимер ҡандағы гемоглобин кимәлен көйләй.
7. Марганец арыу һәм йоҡо баҫыуҙан арынырға ярҙам итә, хатта депрессияны ҡыуып ебәрә.
8. Цинк тире торошон яҡшырта һәм бөтә организмдың күҙәнәктәренә яҡшы йоғонто яһай.
9. Селен – онкологияның төп дошмандарының береһе.
10. Баҡыр организм күҙәнәктәренең дөрөҫ үҫеүенә һәм үҫешенә булышлыҡ итә.

Көнөнә бер нисә ҡалаҡ тәмле бәпембә балы менән һыйланыу ҙа стресҡа һәм вирустарға ҡаршы көрәшергә ярҙам итәсәк.

Фото: Т. АМАНОВ.