Ҡайҙа 5 мең һум?!

Красноярск ҡалаһында йәшәгән 43 йәшлек ир тыуған ауылына, әсәһенә ҡунаҡҡа ҡайтҡанда, үҙенең 53 йәшлек танышын да эйәрткән. Ирҙәр тыуған яҡҡа ҡайтыу хөрмәтенән араҡы эскән. Табын ҡыҙған мәлдә хужабикә, 67 йәшлек ҡатын, 5 мең һум аҡсам юғалған, тип яр һалған. Улы иптәшен ғәйепләп, аҡсаны таптыра башлағас, ҡунаҡ ир уның үҙен ғәйепләгән, йәнәһе лә, үҙең урлағанһың да, миңә япһарырға маташаһың. Хужабикәнең шыр иҫерек улы асыуланып иптәшенең ҡорһағына бысаҡ менән сәнскән дә ҡуйған. Әсә "Тиҙ ярҙам" саҡырған. Ә бер аҙҙан биш мең һумды тапҡан - үҙе йәшергән дә, ҡайҙа һалғанын онотҡан булған. 

Ҡайҙа 5 мең һум?!