Ашығыс хеҙмәт медиктарына өҫтәмә түләү арттырыла

Республика һаулыҡ һаҡлау хеҙмәткәрҙәре профсоюзында ашығыс хеҙмәт табиптарының эш хаҡын арттырыу буйынса кампанияның аҙағына яҡынлашыуын хәбәр иттеләр. 

Бөгөн күп кенә медицина округында өҫтәмә түләү күләме арттырылған. Мәҫәлән, Сибай һәм Күмертау медицина округтарында төнгө эш өсөн алдан билдәләнгән түләүҙән 100 процентҡа артығыраҡ түләнә башлай. Дыуан, Октябрьском һәм Нефтекама медицина округында гарантияланған өҫтәмә түләүҙән 80 процентҡа артығыраҡ буласаҡ. Бынан тыш, тулы булмаған бригадала эшләгән өсөн льгота һәм гарантиялар ҡаралған. Шулай уҡ Республика ашығыс ярҙам станцияһында, Стәрлетамаҡ һәм Бөрө үҙәк район дауаханалыранда төнгө эш өсөн окладҡа 100 процент күләмдә өҫтәп түләнә башлаған. Был медицина ойошмаларында социаль льгота иң юғарыларының береһе.

Яҡын көндәрҙә Үҙәк һәм Стәрлетамаҡ медицина округтарында коллектив килешеүгә үҙгәреш индереләсәк – тиҙҙән улар берләштереләсәк. Шулай уҡ профсоюздар ашығыс хеҙмәттең материаль-техник базаһын яңыртыуҙы, медицина булмаған персонал өсөн эш хаҡын арттырыуҙы талап итә. Рәйес Рәүил Хәлфин һүҙҙәренсә, был мәсьәлә Хөкүмәт кимәлендә хәл ителергә тейеш.