Бөтә яңылыҡтар
Яңылыҡтар таҫмаһы
26 Апрель 2022, 15:24

Ау-у, Марсуэлло!!!

Стәрлетамаҡта йәшәгән 71 йәшлек ҡатын яңғыҙлыҡтан арып, һөйөүгә, иғтибарға сарсаһа ла, эргә-тирәләге ваҡ-төйәк ирҙәреңә ваҡланып тормаған - социаль селтәрҙә затлы бер ир менән танышҡан. "Затлы" тип ни, шул сит илдән үҙен "Марсуэлло" тип таныштырған иргә ҡыҙыҡҡан. Башҡа кешенең фотолары аҫтына йәшеренгән "Марсуэлло" тигәне сит илдән дә түгелдер әле ул, берәй колонияла ултырған әтрәгәләмдер. Ҡалай булһа ла, ҡайнар аралашҡандан һуң "Марсуэлло", һинең менән осрашыр өсөн Рәсәйгә киләм, тип ҡатынды ҡыуандырған. Ләкин, юлға аҡсам етмәй, тип ҡатындан бурысҡа аҡса һорап торғас, бәхеттең етенсе күгенә менгән ханым 540 мең һум кредит алып, буласаҡ һөйәренә ебәрә һалған. Аҡса күсеү менән "Марсуэлло"нан елдәр иҫкән. Хәҙер шул бәндәне полиция эҙләй.

Ау-у, Марсуэлло!!!
Ау-у, Марсуэлло!!!

Тәүлек эсендә муттар ун бер кешене алдарға эшкингән. Һеҙ улар, йәғни алданыусылар, иҫәбенә инә күрмәгеҙ!

Фото: асыҡ сығанаҡтарҙан.

Автор:Баныу Ҡаһарманова
Читайте нас: