Ял һәм хеҙмәт байрамында ниндәй тамашалар көтөлә?

1 май сағыу һәм йөкмәткеле концерт-сараларға бай булмаҡсы.

Йылдағыса, 1 май — Яҙ һәм хеҙмәт байрамы профсоюздар менән билдәләнәсәк. Иң тәүҙә Профсоюздар йорто алдындағы майҙанда митинг-концерт үтәсәк. Сарала «Хеҙмәт батырлығы өсөн» миҙалдары тантаналы тапшырыласаҡ.

Ошо уҡ көндә Миңлеғәле Шайморатов бюсы янында Республика марафонына старт бирелә. Был сара Рәсәй Геройының буласаҡ һәйкәле нигеҙенә район-ҡалаларҙан тупраҡ килтереп һалыуҙан ғибәрәт.

Традицияға ярашлы, Өфөлә һәм башҡа ҡалаларҙа байрам концерттары ойошторола. Өфөлә иһә саралар 30 апрелдә уҡ башлана. Баш ҡала яры буйында тәүге көндә «Йәштәрсә Өфө», 2 майҙа «Мәҙәниәтле Өфө», 3 майҙа «Спортлы Өфө», 4 майҙа «Яҙ байрамы» тип исемләнгән концерттар үтәсәк.

1 май төшкө сәғәт 12-лә «Фонтандар фестивале» үтә, был сарала баш ҡаланың иң төп фонтандарына старт бирелә. «Дим» паркында, «Ҡоштар» скверында, И. Яҡутов һәм С. Орджоникидзе исемендәге паркта концерт ойошторола. Беренсе май паркында төнгө сәғәт 11-ҙә байрам салюты буласаҡ.

Спорт сараларына килгәндә, Ҡунаҡһарайҙа һәм М. Ғафури исемендәге паркта «Еңеү зарядкаһы» ойошторола. 30 апрелдә «Мәрйен» фестивале үтә.

Автор:Инсаф Хужабирганов

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45