Данила Таиповты эҙләү дауам итә

Белорет районының Верхнебельский ауылынан 30 йәшлек Данила Таипов 2020 йылдың 24 июнендә урманда ағас әҙерләгәндә юғала. Яҡындары, ауылдаштары менән бергә беҙ ҙә, Учалы һәм Магнитогорск эҙәрмәндәре, Данилды ике көн дауамында урманда эҙләнек. Уның мотоциклы делянкала тороп ҡалғайны, ә үҙе зым-зыя юҡ булғайны...

Данила Тимербай улы 1992 йылдың 21 апрелендә Верхнебельский ауылында тыуған. Күҙлек кейгән егеттең буйы 175 сантиметр, ҡыҫҡа ҡуңыр сәсле, йәшел күҙле, уртаса кәүҙәле. Юғалған көндө Таипов ҡуйы йәшел төҫтәге камуфляж куртка һәм салбар кейгән булған.

Ике йыл самаһы ваҡыт үтһә лә, Даниланың туғандары өмөттәрен юғалтмай, уның кире ҡайтыуын көтә. Уның ҡайҙа икәнлеген белһәгеҙ, мәғлүмәтте түбәндәге телефон номерҙары буйынса бүлешергә мөмкин: + 7 (965) 643-69-26, 8 (800) 700-54-52 һәм 112.

Фото: асыҡ сығанаҡтарҙан.