Ботаҡты йәки япраҡты Һыуға ултыртып ҡуйһаң, тамыр ебәрмәй серей. Тамырланыу процесы тиҙ барһын өсөн “Корневин”, “Гетероауксин”, “Эпин” препараттарын ҡулланырға була. Махсус иретмәне өй шарттарында ла эшләргә мөмкин .
Бал. 1,5 л һыуға бер балғалаҡ бал һалып иҙелә. Үҫентенең ботағын йәки япрағын 12 сәғәт тоторға.
Картуф. Тамыр йәйҙереү өсөн ҙур картуф та һәйбәт. Иң тәүҙә уның күҙҙәрен алырға кәрәк. Һуңынан эсенә һыу һалып, үҫенте урынлаштырыла. Картуфта күп туҡлыҡлы матдә бар.
Алоэ һуты. Үрсетмә ултыртҡан һыуға 6 – 7 тамсы алоэ һутын тамыҙырға була. Был эретмә иммун системаһына яҡшы.
Тал ботаҡтары ултыртылған һыуҙа ла үҫентеләр һәйбәт тамыр ебәрә.
Әсетке. 1 литрға 100 г әсетке һалып, унда гөлдәрҙең ҡырҡып алынған ботаҡтарын бер тәүлеккә ултыртырға. Һуңынан таҙа һыуға урынлаштырырға.
Үрҙә һанап үтелгән иретмәләр үҫентене файҙалы матдәләр менән туҡландыра.