Иртә яҙҙан дүрт урман янғыны...

Һуңғы тәүлектә Бөрйән урман хужалығында ике янғын теркәлгән. Дөйөм майҙаны - 6,6 гектар, тип хәбәр итәләр БР Ауыл хужалығы министрлығынан.

Янғынды һүндереүгә 24 кеше һәм 11 берәмек техника ебәрелгән. Әлеге ваҡытта ике урында ла ут һүндерелгән, ауылдарға ҡурҡыныс янамай. Баҡтиһәң, һуңғы аҙнала ғына Башҡортостанда дүрт урман янғыны теркәлгән, 13,8 гектар урман янған.

Көндәр ҡоро тора. Әгәр берәй ҡайҙа ут сығыуын күрһәгеҙ, берҙәм телефон номерына шылтыратып хәбәр итегеҙ: 8 (800) 100–94–00. Ауыл хужалығы министрлығының диспетчер хеҙмәте: 8 (347) 218–14–14.