Күмертауҙа ЮХХДИ хеҙмәткәре һәм уның ҡатынының мәйете табылған

Рәсәй Эске эштәр министрлығының Күмертау буйынса бүлеге үҙ фатирында ҡала ЮХХДИ-ның 36 йәшлек хеҙмәткәрен үле килеш табылыуы тураһында хәбәр итте.

Полицейский эшкә килмәгәс, уның өсөн борсолған коллегалары инспекторҙың өйөнә барған, ләкин бер кем дә ишекте асмаған, телефонға ла яуап бирмәгән. Фатир ишеген емереп инергә тура килгән. Эстә хеҙмәткәрҙең һәм уның 1991 йылғы ҡатынының, шулай уҡ йорт хайуандарының кәүҙәләре табылған.

Ваҡиға урынында тәфтиш-оператив төркөм эшләй. Республиканың эске эштәр министры полиция генерал-лейтенанты Роман Деев ҡарары буйынса Күмертауға БР буйынса Эске эштәр министрлығы аппараты хеҙмәткәрҙәре ебәрелгән, тикшереү башланған.

–         Һәләк булыусыларҙың газ һөрөмөнә ағыуланыуы ихтимал. Фажиғә урынына газ хеҙмәте белгестәре саҡырылған. Республика Эске эштәр министрлығы етәкселеге һәләк булғандарҙың коллегаларының, туғандарының һәм яҡындарының ауыр ҡайғыһын уртаҡлаша, - тип хәбәр иттеләр Башҡортостан буйынса Эске эштәр министрлығынан.

Фото: Т. Аманов