Опекун ғаиләләр ярышты

Солтанбәк ауылында опекундар (попечителдәр), баланы тәрбиәгә алған ғаиләләр республика конкурсының муниципаль этабы уҙҙы. Ул «Айыҡ ауыл» һәм "Йәмәғәт сәләмәтлеген нығытыу" ("Демография" милли проекты) проектын ғәмәлгә ашырыуға ярашлы ойошторолған.

"Ғаиләлә йәшәү - бөйөк бәхет" конкурсында өс опекун ғаилә ҡатнашты: Солтанбәк ауылынан Ильясовтар һәм Факкаровтар, Асҡын ауылынан Сафиуллиндар ғаиләләре. Уларҙың барыһы ла үҙҙәренең дуҫ, берҙәм, ижади, эшһөйәр булыуын күрһәтте. Ильясовтар ғаиләһе - «Иң ижади ғаилә», Сафиуллиндар «Иң татыу ғаилә» номинацияларында еңде, ә Факкаровтар ғаиләһе еңеүсе булды һәм улар конкурстың республика этабында район исеменән сығыш яһаясаҡ.

Был конкурс өс йылға бер тапҡыр үткәрелә. Уның төп маҡсаты – ғаилә ҡиммәттәрен пропагандалау.

Фото: Асҡын районы хакимиәте.