"Өфө" халыҡ-ара аэропорты тиҙҙән быйылғы миллионынсы пассажирын ҡабул итәсәк

Беренсе кварталда аэропорт аша 826 мең кеше үткән. Ошо аҙнала миллионынсы пассажирҙы көтәләр. 

Әйткәндәй, былтыр тәүге кварталда терминалдарҙан үткән кеше һаны, быйылғыға ҡарағанда, 23 процентҡа әҙ булған.

Күҙаллауҙарынса, быйыл аэропорт пассажирҙары һаны 3,4 миллион буласаҡ. Үтеп китмәһә әле...

Радий Хәбиров аэропортты архитектур яңыртыуҙы тамамларға ҡушты. Һәр хәлдә Өфөнөң 450 йыллығына тулыһынса әҙер булырға тейеш.