45 йыл элек НЕФАЗ тәүге КамАЗ-5511 үҙбушатҡысын йыйған

1970 йылдар башында Нефтекама ҡалаһында Кама автомобилдәр заводының юлдашы - НефАЗ-ға нигеҙ һалына. 1970 йылдың 25 декабрендә СССР Министрҙар Советының Төҙөлөш эштәре буйынса дәүләт комитетының 65-се бойороғона ярашлы, Башҡорт АССР-ының Нефтекама ҡалаһында автоүҙбушатҡыстар һәм лебедкалар етештереү буйынса завод төҙөү тураһында ҡарар ҡабул ителә. Төҙөлөш йыл ярымдан башлана, технологик сынйыр буйынса Яр Саллынан килтерелгән машина шассиһына НефАЗ-да кузов һәм түңкәреүсе механизм ҡуйыла. 1977 йылдың 15 апрелендә беренсе 10-тонналыҡ КамАЗ-5511 үҙбушатҡысы әҙер була, 27 апрелгә һынау өсөн тағы 10 машина йыйыла. 1-се һәм 9-сы һанлы КамАЗ-5511 үҙбушатҡыстары Өфөлә үткән 1 Май демонстрацияһында ҡатнашып, халыҡҡа күрһәтелә. Ҡалған машиналар Нефтекамалағы байрамда ҡатнаша.    

45 йыл элек НЕФАЗ тәүге КамАЗ-5511 үҙбушатҡысын йыйған