Ышаныс һәм хуплау артҡан

Башҡортостандың Мәҙәниәт министрлығы янындағы гуманитар тикшеренеүҙәр үҙәге ҙур социологик һорашыуҙар һөҙөмтәләре буйынса доклад әҙерләгән. Шул билдәле: илһөйәрлек үҫә бара һәм власть ҡарарҙарын хуплаусылар һаны күбәйә.

Һандарға туҡталғанда, граждандарҙың күпселеге, 74,3 проценты, Рәсәй Президенты Владимир Путинды хуплай һәм уға ышана. Башҡортостан Башлығын хуплау күрһәткесе – 60,6 процент. Фекер белешеүҙә ҡатнашыусыларҙың 80 проценттан да ашыуы ил өсөн ғорурлыҡ кисерә һәм уның яҙмышы өсөн яуаплылыҡ тоя.

Һорашыуҙар 26 марттан 7 апрелгә тиклем үткәрелгән, унда 18 йәштән өлкән 1007 кеше ҡатнашҡан.

Фото һәм сығанаҡ: “Башинформ”.