+10 °С
Болотло
Кисә, 14 апрелдә, Өфөлә 22 йәшлек егеттең мәйете табылған. Был хаҡта «МБ» журналисына белгән сығанаҡ хәбәр иткән.
Әңгәмәсе һүҙҙәренсә, һәләк булған егет өләсәһе һәм олатаһы менән йәшәгән. Фажиғәгә бер көн алдынан, ул дуҫын ҡунаҡҡа саҡырғандан һуң була. 14 апрелдә өләсәһе менән олатаһы магазиндан ҡайтҡас, ейәнен һәм дуҫын диванда иҫһеҙ килеш тапҡан.
Табиптар фатир хужаларының ейәне үлеүен асыҡланған. Икенсе егет аңын юғалтыуын белдергән. Ул билдәһеҙ матдә менән киҫкен ағыуланып, реанимацияға оҙатылған. Мәрхүмдең алкоголле эсемлектәр йәки башҡа матдәләр эскәне һиҙелмәгән. Әле фажиғә сәбәптәре асыҡлана.
Фото: Т. Аманов