Тарих шаңдауы: Бөгөн - Рәсәйҙә йәшерен цензура комитеты эшләй башлаған көн

XIX быуат урталарында Европала һәм Рәсәйҙә сәйәси ваҡиғалар тыныс булмағанлыҡтан баҫма матбуғат өсөн цензура көсәйә. 1848 йылдың мартында уҡ батша Николай Беренсе махсус ойошма кәрәклеген белдерә һәм 14 апрелдә даими йәшерен комитет төҙөлә.

Уның рәйесе Бутурлин фамилиялы кенәз була. Бутурлинский комитет тип йөрөтөлә ул. Ә рәсми атамаһы – «Комитет для высшего надзора за духом и направлением печатаемых в России произведений».

Был комитет цензура террорының төп башҡарыусыһы була. Күп прогрессив баҫмалар ҡаты иҫкәртелә. Ошо комитет доклады буйынса Салтыков-Щедрин, Тургенев һөргөнгә ебәрелә. Күп баҫма ябыла...

Ә хәҙер баҫма матбуғатты цензура тикшерәме икән, нисек уйлайһығыҙ?