Баймаҡ-Әбйәлил ярышҡанын күҙәткәндә килеп тыуған уйҙар

Был ярышты дүшәмбе көндө төшкөһөн иғлан иткәйнек. Маҡсатыбыҙ - гәзитебеҙгә иң күп яҙылған ике райондың интернеттағы дуҫтары әүҙемлеген асыҡлау, бер юлы төркөмөбөҙгә яҙылыусылар һанын арттырыу ине. Шөкөр, төркөмөбөҙгә 4 мең тирәһе яңы дуҫ өҫтәлде.

Комментарийҙарҙа "Был конкурс нимәгә кәрәк булды?", "Ике райондың араһынан ҡара бесәй уҙғараһығыҙ", "Розыгрыш үткәрегеҙ", "Еңел-елпе ярыш оҡшамай" тип яҙыусылар күп осраны. Шулай ҙа хуплап, ҡеүәтләп, репостар яһаусы дуҫтарыбыҙ күберәк. Тауыш биреүҙе ойоштороуҙың ниндәй хилафлығы бар һуң? Беҙ был төбәк яҡшыраҡ, икенсеһе насарыраҡ тимәйбеҙ - сәмләндереп кенә ярыштырабыҙ. Шуға күрә лә беҙҙең хеҙмәтте юҡҡа сығарырға, ҡара яғырға тырышмағыҙ. Бының кеүек ярыштарҙы артабан да уҙғарырға ниәтләйбеҙ. 

Әлегә райондар ярыша, кешеләр яҡшы әүҙемлек күрһәтә.   Һылтанмаһы ошонда: https://vk.com/wall-35065816_150602