Яҡташыбыҙ ҙур олимпиадала еңде

"Мәғариф" милли проектын ғәмәлгә ашырыу саралары араһында хәүефһеҙлек нигеҙҙәре буйынса Бөтә Рәсәй олимпиадаһы ла бар. Быйыл уның йомғаҡлау этабы Ҡазанда үтте.

Иглин районы үҙәгендәге 4-се мәктәптең 11 класс уҡыусыһы Алёна Миңлегәрәева республика йыйылма командаһы иҫәбендә булып, яҡшы һөҙөмтәләргә иреште.

Олимпиадала Рәсәйҙең төрлө төбәгенән 270 уҡыусы ҡатнашты. Алена былтыр ҙа ҙур күрһәткестәргә өлгәшкәйне, быйыл да һынатманы - 500 мөмкинлектән 412 мәрәй йыйҙы һәм практик турҙа икенсе урынға лайыҡ булды, теоретик һәм практик турҙар һөҙөмтәләре буйынса көмөш призер тип танылды.

Фото: Иглин районы хакимиәтенән.