Был хаҡта Хөкүмәттәге оператив ултырышта Ғәҙәттән тыш хәлдәр буйынса дәүләт комитеты рәйесе Фәрит Ғүмәров әйтте.
— Башгидрометүҙәк белгестәре фараздарына ҡараһаҡ, ташҡындың иң юғары нөктәһе апрелдең өсөнсө декадаһына тура килә. Ә һуңынан һыу кире ҡайта башлаясаҡ, — тине Фәрит Ғүмәров.
Радий Хәбиров хәлде контролдә тоторға ҡушты, халыҡты бәләлә ҡалдырмайыҡ, тине.
— Һеҙҙең бурыс – бәлә килмәҫ элек уны юҡ итеү, – тине республика етәксеһе.