Радий Хәбиров: Һәр бер тин сәпкә тейә!

Өфөлә махсус кейем тегеү буйынса компетенциялар үҙәге булдырылыуы хаҡында яҙғайныҡ. Радий Хәбиров кәңәшмәлә еңел сәнәғәтте үҫтереүгә йүнәлтелгән ярҙам саралары булдырасағын белдергәйне.

— Беҙҙә был тармаҡта ҙур тәжрибәле компаниялар бар — „Магеллан“, „Уралпроммаркет“. Мин ошо йүнәлештә эште дауам итеүҙе һорайым. Беҙ ярҙам итергә әҙер, — тине Радий Хәбиров.

Башҡортостан Башлығы шулай уҡ MADYART компанияһын юғары баһаланы.

«Предприятие етәксеһенең Хөкүмәт ярҙамы менән үҫешәбеҙ тиеүе ҡыуаныслы. Шәп программа килеп сыҡты, һәр бер тин сәпкә тейә. Етәксе артабан киңәйергә йыйына, мин, үҫешегеҙ, тинем. Уны «Инвестсәғәт»кә саҡырығыҙ. Инвестиция күләме ҙур түгел, әммә ярҙам итергә кәрәк», - тип йөкмәтте Башлыҡ сәнәғәт һәм энергетика министры Александр Шельдяевҡа.