Экологик өмәләр дәррәү бара

Тирә-яҡты таҙартыу, төҙөкләндереү буйынса айлыҡ башланды. Республикала ул 9 апрелдән 8 майға тиклем дауам итә. Шәмбе өмәләре "Экология" милли проектында билдәләнгән маҡсаттарға ирешеүгә йүнәлтелгән.

Үткән шәмбелә Дүртөйлөләр ҙә яҙғы тәүге экологик өмәгә сыҡты. Бөтә ойошма, мәғариф учреждениелары, компаниялар үҙҙәренең биләмәләрен таҙартты. Барлығы 2800 тирәһе кеше эшләне, 32 берәмек техника йәлеп ителде, 11 тонна сүп-сар сығарылды, тип хәбәр итәләр район хакимиәтенән.

Республика буйынса дөйөм өмә 23 апрелгә билдәләнгән.

Фото: Дүртөйлө хакимиәтенән.