Министр фандомат эшен тикшерҙе

Башҡортостандың тәбиғәттән файҙаланыу һәм экология министры Урал Искәндәров Бәләбәй районында булды. Эш сәфәре маҡсаттарының береһе - "Экология" милли проектын ғәмәлгә ашырыуға ярашлы ҡуйылған заманса аппараттарҙың эшен тикшереү.

Фандоматтар алюмин банкаларҙы һәм ПЭТ шешәләрҙе ҡабул итеүгә яраҡлаштырылған. "Аҡыллы" контейнер һауыттың күләмен, ауырлығын билдәләй, эшкәртеүгә яраҡлымы, юҡмы икәнен асыҡлай. Һәр аппарат меңгә яҡын һауытты ҡабул итә ала.

Фандоматтарҙа экобонус эшләй. Бының өсөн һауытты тапшырғандан һуң, телефон һандарын яҙырға. Һәр шешәгә - 10 бонус. Уларҙы ташлама рәүешендә ҡулланырға була.

Фото: Бәләбәй районы хакимиәтенән.