Медицина ойошмаларын төҙөкләндереү дауам итә

  Бының өсөн  һаулыҡ һаҡлау өлкәһенең матди-техник базаһын нығытыу буйынса ла саралар күрелде. 

2021 йылда Башҡортостан Республикаһының һаулыҡ һаҡлау тармағы “Башҡортостан Республикаһы һаулыҡ һаҡлау системаһының беренсел звеноһын  модернизациялау” төбәк программаһын тормошҡа ашыра башланы.    Ошо программа сиктәрендә  бер йыл эсендә 24 медицина учреждениеһаны капиталь ремонт үткәрелде.   

• Былтыр 81 фельдшер-акушер пункты файҙаланыуға тапшырылды, – тине  БР һаулыҡ һаҡлау министры вазифаһын ваҡытлыса башҡарыусы Динара Еникеева.  –  22500 кв метр бина эсендә төҙөкләндереү эштәре башҡарылды, 6700 кв метр ҡыйыҡ һәм 1700 кв метр    фасады төҙөкләндерелде.   

Шулай уҡ 2021 йылда медицина ойошмаларына дөйөм алғанда  572, 9 млн һумлыҡ 2 561 медицина ҡорамалы алынды. 2022 йылда иһә 1536 мең ошондай уҡ медицина йыһаздары алыу планлаштырыла.

31 медицина ойошмаһы  77 автомобиль транспорты менән тәьмин ителгән. Быйыл иһә 85 автомобиль һатып алыуға килешеү төҙөлгән. Уларҙың тәүге партияһы апрелдә үк көтөлә.

Фото:асыҡ сығанаҡтарҙан.