Бөгөн – С витамины көнө

Ошо миҙгелдә беҙгә иң кәрәкле витаминдарҙың береһе ул. С витаминының төп функцияһы – инфекцияларға ҡаршы тороу, тимер үҙләштереүҙе яҡшыртыу, цинганан, яман шештән, йөрәк-ҡан тамырҙары сирҙәренән һаҡлау, холестерин кимәлен контролләү, катарактаны иҫкәртеү, диабет менән ауырыған кешеләрҙең бөйөрҙәре, күҙҙәре, нервылары торошон көйләү. Был витаминдың ҡайһы аҙыҡта күп икәнен беләһегеҙме?

1932 йылдың 4 апрелендә Америка биохимигы Чарльз Глен Кинг тәүгеләрҙән булып С витаминын кәбеҫтәлә табып, сирҙәргә ҡаршы тороуын билдәләгән. Уға тиклем, 1928 йылда венгр ғалимы Сент-Дьердьи ла ошо витамин буйынса эшләһә лә, аныҡ билдәләмәгән, шуға С витамины көнө 4 апрелдә.

Икенсе төрлө уны аскорбин кислотаһы тиҙәр.

Шулай итеп, С витаминын ҡабул итегеҙ: ул әлморон емешендә, ҡыҙыл болгар боросонда, ҡара ҡарағатта, облепихала, алмала, петрушкала, брюссель кәбеҫтәһендә, укропта, баҡса еләгендә күп. Һәм, әлбиттә, цитрус емештәрҙә.

Витаминланып тороғоҙ, йәмәғәт)))

Фото: РИА-Новости.