Социаль контракт төҙөү шарттары үҙгәрҙе

• Элек нисек ине?

 Аҙ  тәьмин ителгән ғаилә статусын билдәләгәндә мөрәжәғәт иткәнгә тиклемге өс тулы айҙың килеме иҫәпкә алына ине.

• Нимә үҙгәрҙе?

Ғаилә ағзаһы 2022 йылдың 1 мартынан эшен юғалтып, эшһеҙ булараҡ теркәлә икән, уның алдағы айҙар өсөн түбәндәге килемдәре иҫәпкә алынмай:

• эш хаҡы,
• эштән киткәндә түләнгән пособиеһы,
• ҡыҫҡартылыуҙан һуң уртаса эш хаҡы.

• Ҡайҙа мөрәжәғәт итергә?

Социаль контрактты  йәшәгән урын буйынса Халыҡты социаль яҡлау үҙәктәрендә төҙөргә мөмкин. Унда контракт төҙөү шарттары һәм ниндәй документтар алып килергә кәрәклеге  хаҡында аңлатырҙар.

     Социаль контрактты 3 айҙан 12 айға тиклем төҙөргә мөмкин. Килешеүҙең суммаһы 30 меңдән алып 250 меңгә тиклем булыуы ихтимал.

Башҡортостанда 2022 йылда   программаны финанслауға  579,6 миллион һум  аҡса бүлеү ҡаралған. Шуның 486,9 миллион һумы – федераль бюджеттан, 92,7 миллион һумы – республика ҡаҙнаһынан. Бүленгән аҡсаға  5250-нән ашыу контракт төҙөү планлаштырыла.

Фото:асыҡ сығанаҡтарҙан.