Билдәле булыуынса, 43 йәшлек комик Павел Воля һәм 36 йәшлек спортсы Ләйсән Үтәшеваның ғаилә ҡороуҙарына 9 йыл.
Йәш ғаилә ике бала - 8 йәшлек улы Робертты һәм 6 йәшлек ҡыҙы Софияны тәрбиәләй. Журналистарға яңы интервьюһында Үтәшева әйтеүенсә, ул һәр саҡ ирен тыңлай һәм улар бөтә мөһим ҡарарҙарҙы бергә ҡабул итә.
Ләйсән әйтеүенсә, Павел уны бик һаҡлай һәм хәстәрләй.
- Ул мин ниндәй проекттарҙа ҡатнашыуыма, ниндәй кешеләр менән эшләүемә битараф түгел. Минеңсә, әгәр ир ҡатын-ҡыҙҙы ярата икән, был ғәҙәти күренеш , - ти Үтәшева.
Көҙ көнө ғаилә туйҙарының унынсы йыллығын билдәләйәсәк. Ләйсән әйтеүенсә, әлегә улар ошондай мөһим датаны нисек билдәләргә икәнен планлаштыра.
- Шуныһы ҡыуаныслы: бергәләп ошо датаға килеп еттек. Әммә хәҙер пландар төҙөү ҡатмарлы. Ошондай ваҡытта йәшәйбеҙ, пандемияны күҙ уңында тотам, - тине Ләйсән Үтәшева.
Фото: Т. Аманов