+12 °С
Ямғыр
Был хаҡта Әбйәлил районының Ғәбдин ауылы егете Урал Йәнһарин яҙа:
«Кисә Әбйәлил районының Байым ауылы мәктәбе биләмәһенә аҡҡош килеп ингән. Бахырҡай ҡанаты һынып тубынан айырылып ҡалған. Ветеринар Хәйҙәр Зиннәт улы Хөснуллин менән ҡанатын бәйләп, юл ыңғайында Асҡарҙағы клиникаға ҡалдырып киттек. Уны Өфөгә дауаланыуға ебәрергә тейештәр. Ҡоштоң пары яҡын-тирәлә йөрөргә тейеш, тиҙәр. Шуға күрә ауыл халҡынан ҡарауыллап тороуҙарын һораныҡ».
Тәбиғәткә битараф булмаған изге күңелле кешеләргә "афарин!" тиергә генә ҡала.
Кисә шулай уҡ ошондай уҡ хәл Йылайыр районы үҙәгендә лә теркәлгән. Бында ла өйөрөнән тороп ҡалған аҡҡошто ҡотҡарғандар (ye102.ru)