Бөтә яңылыҡтар
Яңылыҡтар таҫмаһы
28 Март 2022, 10:00

Быйылғы Ҡышһылыу билдәле булды!

Иҫегеҙгә төшөрәбеҙ - "Йәшлек" гүзәле" конкурсын беҙ былтырҙан алып саҡ ҡына икенсе төрлө итеп үткәрәбеҙ. Йыл миҙгеленә ҡарата гәзиттә донъя күргән һылыуҡайҙарҙың фотоларын тауыш биреүгә ҡуябыҙ һәм Ҡышһылыу, Яҙһылыу, Йәйһылыу һәм Көҙһылыу билдәләйәсәкбеҙ. Йыл аҙағында дөйөм нәтижә яһағанда номинацияларға шул миҙгелбикәләр ҡуйыласаҡ, бер юлы тамашасы һайлауы урыны ла була.Быйылғы Ҡышһылыу кем булды икән? Сайтта ҡарағыҙ

Быйылғы Ҡышһылыу билдәле булды!
Быйылғы Ҡышһылыу билдәле булды!

Ғинуар башынан сыҡҡан дүрт ҡыҙ: Нурзилә Ҡолғарина, Лиза Моратова, Нәргизә Асҡарова, Наҙгөл Нурасова араһынан тауыштарҙың 38 процентын туплап Наҙгөл Нурсаова еңеү яуланы! Уны 299 кеше ҡеүәтләгән.

Наҙгөл үҙенең тураһында ошоларҙы һөйләп үтте:
"Баймаҡ районының данлыҡлы Муллаҡай ауылында тыуғанмын. Әсәйем Гөлназ, атайым Вәхит беҙҙе, өс баланы, бәхетле итеү, тормошҡа әҙерләү, яҡшы белем алһын өсөн барыһын да эшләй. Мин Баймаҡ лицей-интернатының 9-сы класында белем алам. Йәмғиәтте өйрәнеү, алгебра һәм рус теле фәндәрен яратып уҡыйым. Ҡыҙыҡһыныуым күп төрлө, класыбыҙҙа старостамын, барлыҡ үткәрелгән сарала теләп ҡатнашам. Киләсәктә үҙемде теш табибы итеп күрәм."


Автор:Айбулат Ишназаров
Читайте нас в