Тәүлек эсендә муттар 14 кешене алдаған

Стәрлетамаҡта йәшәгән 41 йәшлек ҡатын алтын беләҙеген һатыу тураһында сайтҡа иғлан бирә. Күпмелер ваҡыттан һуң уға ҡыйбатлы биҙәүесте һатып алырға теләүсе шылтыратып, пробаһын раҫлауҙы һорай. Бының өсөн ул беләҙекте Ленин проспектындағы ювелир оҫтаханаһына алып барырға тәҡдим итә. Ҡатын беләҙекте оҫтаханаға алып барғас, ювелир артыҡ һүҙһеҙ биҙәүесте алып ҡала, ә ҡатын өйөнә ҡайтып китә - тикшереүҙең бөткәнен көтөргә. Һуңғараҡ ул, беләҙекте алырға оҫтаханаға кире барғас, ювелир, мин уны иреттем инде, сөнки аҡсаһын түләнем, тип ҡатынды шаҡ ҡатыра. Асыҡланыуынса, ювелирға телефондан ир кеше шылтыратып, беләҙек һатам, тиҙҙән уны һеҙгә килтерәсәктәр, ти. Ҡатын беләҙекте алып килгәс, ювелир шылтыратыусы әҙәм әйткән билдәһеҙ иҫәпкә 140 мең һумға яҡын аҡсаһын күсерә... Ҡатын, муттың тоҙағына эләккәнен аңлап, полицияға мөрәжәғәт иткән.

Күмертау ҡалаһында йәшәгән 43 йәшлек ҡатынға танышы инвестиция компанияһында еңел генә аҡса эшләргә тәҡдим итә. Йәнәһе лә, унда ҡыҫҡа ваҡыт эсендә ҙур аҡса эшләргә мөмкин. Ҡатын танышына ышанып, компанияның сайтында теркәлгән һәм кредитҡа алынған 400 мең һум самаһы аҡсаны шунда һалған. Бер аҙҙан ул компанияның ябылыуы, аҡсаларҙың яңы платформаға күсерелеүе тураһында хәбәрҙар була. Ҡатын аҡсаһын кире ҡайтарыуҙы талап итергә маташҡан да бит, килеп сыҡмаған шул.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

Новости партнеров

Лена ханым: "Улымды онотмайҙар"

На уровне молекул

Салкын тигәндә мунча керергә ярыймы?

1917-2024 "Йәшлек" гәзите

Баш мөхәррир - Артур Хәсән улы Дәүләтбәков

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ. Бөтә хоҡуҡтар яҡланған.

Телефон

8(347)273-46-38