Бөгөн – «Одноклассники» социаль селтәренең эшләй башлаған көнө

Селтәр ете айҙа 1,5 миллион ҡатнашыусыны йыйған. Ә 2008 йылда теркәүҙе түләүле иткәс, күп кеше ризаһыҙлығын белдергән, бойкот иғлан иткән, башҡа селтәрҙәргә күсә башлаған. Бығаса беренсе урында торған «Одноклассники», шулай итеп, икенсе урынға төшөп, лидерлыҡты «Вконтакте» селтәренә бирергә мәжбүр булған.

2010 йылда теркәлеү ҡабаттан бушҡа әйләнһә лә, селтәр популярҙар араһында тик бишенсе урында ғына торған.

Әле «Одноклассники» тағы тарала бара. Сөнки Рәсәйҙең Роскомнадзор хеҙмәте сит ил селтәрҙәренең күбеһен тыйҙы.