Туристарға балыҡсы өйө төҙөлә

Һәр заманда ла кеше тәбиғәттә ял итергә яратҡан. Йылы миҙгел башланыр-башланмаҫтан халыҡ ҡырға, һыу буйҙарына ашыға. Бөгөн "глэмпинг" тибындағы ял базалары популярлаша бара.

Шишмә районында "Бәләкәй һәм урта эшҡыуарлыҡ" милли проектын ғәмәлгә ашырыу буйынса уҙған "Эшҡыуарлыҡ сәғәте"ндә Каветка ауылы янындағы быуа буйында глэмпинг төҙөү тураһында проект ҡаралды.

Инвестор балыҡсы өйө булдырмаҡсы. Яр буйы таҙартылған, инженер коммуникациялары һуҙылған, биналар ҙа һалына башлаған. Бында дүрт ҡунаҡ йорто урынлаштырыу күҙаллана. Быуаға балыҡ ебәреп, быйыл уҡ балыҡ тоторға яратыусы туристарҙы ҡабул итергә ниәтләнәләр.

Фото: Шишмә районы хакимиәтенән.