Коронавирусҡа бәйле хәл тотороҡлана

 Ковид менән ауырыусылар өсөн 900-ҙән ашыу койка-урын булдырылған.  Ололар һәм хроник сирҙәре булғандар  айырыуса ныҡ ауырый.  

“Башҡортостанда коронавирус инфекцияһына бәйле хәл тотороҡлана, әммә иркен тын алырға әле иртәрәк. Башҡа илдәрҙә ковидтың яңы тулҡыны үҫешә”, – тип билдәләне һаулыҡ һаҡлау министры Максим Забелин брифинг барышында.

Эксперттар йәйгелеккә ауырыуҙың көсәйеүен күҙаллай. Шунлыҡтан коронавирусҡа ҡаршы вакциналауҙы дауам итергә кәрәк. Ә кемдәр вакцина эшләткән –  ревакцинациялау үтергә. Максим Забелин әйтеүенсә, Covid-19 менән ауырығандан һуң иммунитет вакцина эшләткәндәге кеүек   булмай.

Фото:асыҡ сығанаҡтарҙан.