Илдар Бикҡужин, БР Туриндустрия һәм ҡунаҡсыллыҡ ойошмалары берлеге рәйесе: “Өфөгә туристарҙы ылыҡтырыу өсөн заманса биналар етмәй”

Башҡортостан Башлығы Радий Хәбиров Өфөлә яңы Евразия китапханаһы төҙөү тураһында ентекле һөйләгәндән һуң, уны хуплаусылар үҙ фекерҙәрен еткерә лә башланы.

“Өфөлә туристарҙы йәлеп итеү өсөн заманса ҡоролмалар етешмәй. Әгәр ошо проект буйынса интерактив күргәҙмәләр, яңы алдынғы технологиялар менән таныштырыуҙар ойошторолһа, улар ярҙамында республикабыҙ мәҙәниәтен күрһәтә алыр инек”, – тигән фекерҙә БР Туриндустрия һәм ҡунаҡсыллыҡ ойошмалары берлеге рәйесе Илдар Бикҡужин.

Ысынлап та, кеше сәйәхәткә сыҡҡанда төрлө үҙенсәлекле биналар, архитектура өлгөләре (ҡомартҡылары) менән танышҡыһы килә. Беҙҙәге заманса объекттың формаһы ғына ла башҡаларҙы ҡыҙыҡһындырасаҡ.