Көнбайыш фильмдарына алмашҡа – Азияныҡылар

Һинд киноһына халыҡ нисек һыпырылышып йөрөгәнен иҫләйһегеҙме? Хәтәр була торғайны: ул йырлайҙар, ул бейейҙәр, ул һуғышалар... Ундағы мөхәббәт... Залдың теге осонда ла, был осонда ла ҡатын-ҡыҙ мыш-мыш илаша... Митхун Чакраборти, Амитабх Баччан, Радж Капур, Мандакини, Хема Малини, Санджай Датт кумирҙар булып, фотоһүрәттәре стенала элеүле тора...

Шунан ҡапыл һинд фильмдарын прокатҡа алыу туҡталды ла, Голливудтың “емештәре” килә башланы. У-уууу...

Бына хәҙер тағы кинотеатрҙарҙа Һиндостан, Ҡытай, Ҡаҙағстан, Үзбәкстан кинотаҫмаларын күпләп ҡарау форсаты тейәсәк. Рәсәй Дәүләт Думаһының Мәҙәниәт буйынса комитеты вәкилдәре Мәҙәниәт министрлығы менән шул темаға һөйләшеү башларға ниәтләй.

Киноға ла санкция хәҙер. Америка кинокомпаниялары күрһәтмәһә ни, беҙгә, мәҫәлән, ҡаҙаҡ, үзбәк фильмдары ла оҡшаясаҡ. Шулаймы? Ә һинд актерҙары тағы ла матурыраҡ йырлай, бейей һәм һуғыша, ти...

Фото: vk.com