Бөтә яңылыҡтар
Яңылыҡтар таҫмаһы
24 Март 2022, 15:09

"Башҡортостан аҙыҡ-түлеге" проекты дипломанттары сауҙа-һатып алыу конференцияһында ҡатнашты

23 мартта "Агрокомплекс-2022" күргәҙмәһе сиктәрендә "Башҡортостан аҙыҡ-түлеге" проекты дипломанттарының "Тәьмин итеүсе көнө" сауҙа-һатып алыу конференцияһы үтте. 130-ҙан ашыу республика етештереүсеһе үҙ продукцияһы менән ваҡлап һатыу магазиндарын тәьмин итеү буйынса туранан-тура һөйләшеүҙәр үткәрҙе.

"Башҡортостан аҙыҡ-түлеге" проекты дипломанттары сауҙа-һатып алыу конференцияһында ҡатнашты
"Башҡортостан аҙыҡ-түлеге" проекты дипломанттары сауҙа-һатып алыу конференцияһында ҡатнашты

-  Бындай эшлекле осрашыуҙар - тауар етештереүселәренең һәм ритейлдың үҙ-ара файҙалы хеҙмәттәшлеген үҫтереү өсөн һөҙөмтәле концепция, - тип асыҡлыҡ индерҙе Башҡортостан Республикаһының сауҙа һәм хеҙмәттәр министры Алексей Гусев.

Сауҙа-һатып алыу конференцияһы эшендә "О 'КЕЙ", "Лента", "Магнит", "Полушка", «Лукошко», «Дворик», «Ярмарка», «АиФ», Everyday, "АиФ", "Монетка", "Малинка" сауҙа селтәрҙәре вәкилдәре ҡатнашты.

Урындағы предприятиелар федераль һәм төбәк селтәрҙәре аша икмәк-ҡалас һәм кондитер продукцияһын, ит, һөт ризыҡтарын, колбаса, йәшелсә, бал, умартасылыҡ продукцияһын, балалар аҙығын, бальзамдар, сәй, һыу һәм алкоголһеҙ эсемлектәр һатырға әҙер.

Республика етештереүселәренең сифатлы продукцияһы халыҡ араһында ҙур һорау менән ҡуллана, һәм урындағы предприятиелар ҡулланыусылар һорауын ҡәнәғәтләндерергә әҙер.

- Бизнес-осрашыу республика предприятиеларының һәм сауҙа селтәрҙәренең һөҙөмтәле хеҙмәттәшлеге өсөн яҡшы нигеҙ булыр, тип ышанабыҙ, - тине "Башҡортостан аҙыҡ-түлеге" проекты етәксеһе Светлана Дивнич.

Фото: асыҡ сығанаҡтарҙан.

Автор:Баныу Ҡаһарманова
Читайте нас в