Ҡатын саҡ ҡулһыҙ ҡалмаған

 2022 йылдың 18 ғинуарында 60 йәшлек ҡатынға клейҙы таҙартыусы  машинаны йыуырға ҡушалар. Ҡатын станоктың өҫкө ике өлөшөн йыуып бөтә лә,  станок эшләп торған көйө, аҫҡыһын йыуа башлай. Әйләнеп тороусы механизм тәүҙә ҡатындың ҡулындағы сепрәген эләктереп ала, һуңынан – ҡулын... Эшсенең  һул ҡулы ныҡ йәрәхәтләнә.

Зыян күреүсе эшсене баш ҡаланың 21-се дауаханаһына оҙаталар.  Был ғәҙәттән тыш хәлдең төп сәбәбе  производствола эштең дөрөҫ ойошторолмауы тип билдәләнде.  Хәүефһеҙлек ҡағиҙәләрен боҙған өсөн предприятиеға 190 мең һумға штраф һалынған.

Фото:асыҡ сығанаҡтарҙан.