Әлегә документ федераль ведомстволарҙа һәм Рәсәйҙең Сит ил эштәре министрлығында килешеү үтә. Был хаҡта Республика Башлығы Радий Хәбиров үткәргән аҙналыҡ оператив кәңәшмәлә беренсе вице-премьер – иҡтисади үҫеш һәм инвестиция сәйәсәте министры Рөстәм Моратов белдерҙе.
Килешеү проектының нигеҙендә – Башҡортостан һәм Донецк Халыҡ Республикаһы араһында хеҙмәттәшлекте киңәйтеү тураһында коммюнике. Уға 20 мартта Донецкиҙа республика етәкселәре Радий Хәбиров менән Денис Пушилин ҡул ҡуйғайны. Ошо документҡа ярашлы, сауҙа-иҡтисади мөнәсәбәттәрҙе нығытыу, ғилми-техник хеҙмәттәшлек, һаулыҡ һаҡлау, мәғариф, йәштәр сәйәсәте, мәҙәниәт һәм туризм өлкәһендә бәйләнештәрҙе үҫтереү үҙ-ара эш итеүҙең өҫтөнлөклө йүнәлештәре булып тора.
Фото: Т. АМАНОВ.