Рәсәй Юристар ассоциацияһының бер юлы өс урындағы бүлексәһе асылды

Башҡортостандың 54 ҡалаһы һәм районы халҡы бушлай хоҡуҡи консультация аласаҡ. Ошо арала Рәсәй Юристар ассоциацияһының урындағы бүлексәләре Тәтешле, Балтас һәм Йәрмәкәй райондарында асылды. Һәр бүлексәлә шулай уҡ Бушлай юридик ярҙам үҙәге асыла, унда тәжрибәле юристар эшләйәсәк. Улар граждандарға юридик мәсьәләләр буйынса консультация бирергә һәм хоҡуҡи характерҙағы документтар төҙөүҙә ярҙам күрһәтергә тейеш.

2021 йылда Рәсәй Юристар ассоциацияһының ете яңы бүлексәһе асылған, 12 бушлай юридик ярҙам үҙәктәре ойошторолған.

"2022 йылда, ассоциация 15 йыллыҡ юбилейын билдәләгәндә, беҙ Рәсәй Юристар ассоциацияһы бүлексәләрен бөтә муниципалитеттарҙа ла асырға планлаштырабыҙ. Был һәр Башҡортостан кешеһенә йәшәгән урынында квалификациялы бушлай юридик ярҙам алырға мөмкинлек бирәсәк ", - тине Рәсәй Юристар ассоциацияһының Башҡортостан бүлексәһе рәйесе, Дәүләт Думаһының Дәүләт төҙөлөшө һәм ҡануниәт буйынса комитеты рәйесенең беренсе урынбаҫары Ирина Панькина.

Эшлекле һәм профессиональ юристар халыҡҡа етди хоҡуҡи мәсьәләләрҙә ярҙам итергә әҙер. Киләһе аҙнала ассоциацияның урындағы бүлексәләре шулай уҡ Ҡыйғы һәм Дыуан райондарында асыласаҡ.

Фото: асыҡ сығанаҡтарҙан.

Автор:Баныу Ҡаһарманова

Читайте нас:

1917-2024 "Йәшлек" гәзите

Бөтә хоҡуҡтар яҡланған

Мәҡәләләрҙе ҡулланғанда "Йәшлек" гәзитенә һылтанма яһау мотлаҡ

Телефон

8(347)273-46-38

Электрон почта

[email protected]

Адресы

Өфө ҡалаһы, Октябрҙең 50 йыллығы урамы, 13, 8-се ҡат

Реклама хеҙмәте

89174755304

Редакция

8(347)273-52-08

Ҡабул итеү бүлмәһе

8(347)273-46-38

Хеҙмәттәшлек

8(347)273-56-45