Башҡортостандан Әзербайжанға 14 тоннаға яҡын күркә ите ебәрелгән

Әзербайжан Республикаһы менән хеҙмәттәшлек төрлө йүнәлештәр буйынса әүҙем үҫешә. Экспорт ҡеүәтен үҫтереү - өҫтөнлөклө бурыстарҙың береһе. Беҙҙең төбәк өсөн традицион тармаҡтарҙа күрһәткестәребеҙ һәр ваҡыт юғары, ил эсендә генә түгел, сит илдәрҙә лә продукциябыҙ менән халыҡ ихтыяжын ҡәнәғәтләндерәбеҙ, - тип билдәләне Башҡортостандың тышҡы иҡтисади бәйләнештәр һәм конгресс эшмәкәрлеге министры Маргарита Болычева.

Ит продукцияһы өлгөләрен тейәп оҙатыу алдынан Россельхознадзорҙың республика буйынса идаралығы белгестәре лабораторияла тикшергән.

- Беҙҙең продукция Белоруссияға, Әрмәнстанға китә. Сәғүд Ғәрәбстанында ла һатырға ниәтләйбеҙ. Беҙ экспортҡа йүнәлеш алған предприятие булырға тырышабыҙ, шуға ла һәр ваҡыт сифат өҫтөндә эшләйбеҙ, - тип билдәләне "УРАЛ" яуаплылығы сикләнгән йәмғиәтенең генераль директоры Геннадий Бондарь.

Фото: асыҡ сығанаҡтарҙан.