«Йәшел машина» бөгөн алышҡа сыға!

Алдан хәбәр иткәйнек, юлаевсылар Гагарин кубогы өсөн артабан Силәбенең «Трактор»ы менән көрәшәсәк. Бөгөн тәүге уйын!

Хөкүмәт Премьер-министры Андрей Назаров яратҡан клубы хаҡында йылы тәьҫораттары менән уртаҡлашты һәм уңыштар теләне.

«Былтыр Силәбе командаһын 4:1 иҫәбенә тар-мар иткәйнек. Әммә быйыл беҙҙең команда алышҡа легионерҙарһыҙ сыға. Был - йәштәргә үҙ-үҙен күрһәтеү, яңы баҫҡысҡа күтәрелеү өсөн шәп мөмкинлек.

Ике күрше төбәк командаларының ярышы миҙгелдең иң сағыу серияһы булыр, тип уйлайым. Һәм, әлбиттә, юлаевсыларҙың еңеүенә ышанам. Салауат тоҡомдары бирешмәй! Алға!», - тип яҙҙы Андрей Назаров.