Бөтә яңылыҡтар
Яңылыҡтар таҫмаһы
17 Март 2022, 13:54

Радий Хәбиров: "Өфөнән Көнсығыш сығыу юлы билдәләнгән ваҡытҡа сафҡа индереләк"

Төҙөлөш материалдарына хаҡтарҙың артыуына һәм Көнбайыштың санкция сәйәсәтенә ҡарамаҫтан, Өфөнән Көнсығыш сығыу юлын төҙөү графикка ярашлы бара, билдәләнгәнсә, ул 2023 йылдың аҙағында сафҡа индерелә, тине Башҡортостан Башлығы Радий Хәбиров, ҙур инфраструктура проектының автомобиль юлы тоннеле төҙөлөшө барышын ҡарағандан һуң «Башинформ» агентлығының һорауына яуап биреп.

Радий Хәбиров: "Өфөнән Көнсығыш сығыу юлы билдәләнгән ваҡытҡа сафҡа индереләк"
Радий Хәбиров: "Өфөнән Көнсығыш сығыу юлы билдәләнгән ваҡытҡа сафҡа индереләк"

 

Төҙөлөш хаҡын яңынан иҫәпләгәс, төҙөлөштө финанслау буйынса мәсьәләләр федераль хөкүмәттә ҡаралыр һәм Башҡортостан бюджетына үҙгәрештәр индерелер, тип билдәләне республика етәксеһе.

«Бөтә нәмә көсөбөҙҙән килә тип уйлайым. Хаҡтарҙың артыуына бәйле хәл ҡатмарлы түгел. 2020 йылдың февралендә башланған төҙөлөш темптарын туҡтатырға ярамай. Көнсығыш сығыу юлын 2023 йылдың аҙағына, бик булмаһа, 2024 йылдың беренсе кварталында файҙаланыуға тапшырырбыҙ. Яҡын арала ниндәй бурыстарҙы башҡарып сығырға кәрәк? Беренсенән, проекттың хаҡын ҡайтанан тикшерергә, сөнки төҙөлөш материалдарына хаҡтар артҡас, ул да ҡиммәтләнә. Икенсенән, кәрәкле материалдарҙы өҙлөкһөҙ килтереүгә өлгәшергә. Республика Рәсәй Хөкүмәтенә мөрәжәғәт әҙерләй – Рәсәй етештереүселәренең илдең ҙур инфраструктура проекттары өсөн төҙөлөш материалдарын билдәләнгән хаҡтар буйынса ебәреү мөмкинлеген ҡарауҙы һорайбыҙ. Хәл итеүҙе талап иткән башҡа мәсьәләләр ҙә бар», – тине Радий Хәбиров.

Әлеге ваҡытта объектҡа 2 489 кеше, 357 берәмек төҙөлөш техникаһы һәм ҡорамалы йәлеп ителгән.

Көнсығыш сығыу юлы – Волга буйы федераль округында иң ҙур инфраструктура проекты. Үҙенсәлекле проект 1,2 саҡрым оҙонлоҡтағы автомобиль юлы тоннеленән; 2,7 саҡрымлыҡ эстакада менән Өфө йылғаһы аша күперҙән һәм 10 саҡрым оҙонлоҡтағы М-5 «Урал» федераль трассаһына йәнәш автомобиль юлынан тора.

Объект төҙөлөшөнөң дөйөм хаҡы 33,5 миллиард һумға баһалана. Шуның 19,9 миллиард һумы – федераль бюджет, 4,5 миллиард һумы – Башҡортостан бюджеты, 9 миллиарды – бюджеттан тыш сығанаҡтар.

https://www.bashinform.ru/news/economy/2022-03-17/vostochnyy-vyezd-s-ufy-budet-sdan-v-namechennye-sroki-radiy-habirov-2731434

Автор:Айбулат Ишназаров
Читайте нас в