"Рус яҙы" йыллығы айҡанлы патриотик автоуҙыш

Рәсәй һәм Башҡортостан флагын тотҡан кешеләр 40 машинала Дим станцияһынан Ағиҙел күперенә тиклем, артабан Салауат Юлаев проспекты буйлап үтте. Йыйылыу урынында - Дағстан урамындағы "Магнит" сауҙа үҙәге алдындағы туҡталҡала - акцияла ҡатнашыусылар патриотик йырҙар башҡарҙы, бейеү флешмобы үткәрҙе, ирекмәндәр #ZаНаших хештегтары менән наклейкалар таратты.

- Ҡырымдың Рәсәй менән ҡушылыуына һигеҙенсе йыл тулыуға йәмәғәт, йәштәр һәм патриотик ойошмалар активистары менән берлектә ватандаштарыбыҙҙы яҡлау буйынса автоуҙыш үткәрҙек. Һигеҙ йыл элек Ҡырым һәм Севастополь халҡының ирекле һайлауын хуплаһаҡ, бөгөн беҙ Донбасс халҡын яҡлайбыҙ, - тип һөйләне йәштәр сәйәсәте лигаһының башҡарма комитеты етәксеһе Азат Килсенбаев.

Сара һуңында "Йәшлек House"та "Несокрушимый" фильмы күрһәтелде. Картина нигеҙендә - "КВ-1" танкы экипажының батырлығы тарихы.

Фото: асыҡ сығанаҡтарҙан.