Эскән килеш машина йөрөткән

Төн уртаһында Өфөнөң Совет районында юл-патруль хеҙмәте инспекторҙары "Opel Antara"ға иғтибар итеп, автомобилде туҡтатырға маташа. Әммә водитель полиция хеҙмәткәрҙәренең законлы талаптарын һанға һуҡмай һәм хәрәкәтте дауам итеп, юл сатында светофорға туҡтаған "Renault Logan"ға барып һуғыла. Аварияла "Renault"ның 34 йәшлек водителе һәм уның ике пассажиры, 26 йәшлек егеттәр, йәрәхәтләнеп, дауаханаға оҙатылған. Шулай уҡ "Opel" машинаһының да ике пассажиры, 26 йәшлек егет менән 31 йәшлек ҡатын, медицина ярҙамы һорап мөрәжәғәт иткән. Аварияға сәбәпсе 34 йәшлек водитель зыян күрмәгән. Медицина тикшереүе уның ҡанында 0.810 мг алкоголь булыуын күрһәткән. Водителгә ҡарата бер нисә административ материал төҙөлөп, автомобиле махсуслаштырылған туҡталҡаға ҡуйылған. 

Эскән килеш машина йөрөткән