«Башҡорт теле уҡытыусыһына һорау бир!»

Милли мәғариф буйынса ресурс үҙәгенән хәбәр итеүҙәренсә, бәйгелә Башҡортостан, Татарстан республикаларынан, Силәбе, Ырымбур өлкәләренән, Ханты-Манси автономиялы округынан барлығы 75 уҡытыусы үҙ көсөн һынап ҡарай. Уларҙың унауһы финалда  –  «Башҡорт теле һәм әҙәбиәте йыл уҡытыусылары менән матбуғат конференцияһы»нда ҡатнашасаҡ.

Конкурстың ойоштороу комитеты, ошо матбуғат конференцияһына ярашлы, «Башҡорт теле уҡытыусыһына һорау бир!» акцияһын иғлан итә. Башҡорт теленә, мәҙәниәтенә, тарихына, тәрбиә һәм белем биреү мәсьәләләренә бәйле һорауҙарҙы һәр кем: уҡыусы, уҡытыусы, ата-әсәләр, журналистар, дәүләт һәм йәмәғәт эшмәкәрҙәре – кемдәр теләй, барыһы ла бирә ала!

Бының өсөн һорауығыҙҙы видеоға яҙҙырыуығыҙ һәм [email protected] электрон почтаһына ебәреүегеҙ һорала.

Иң ҡыҙыҡлы һәм көнүҙәк һорауҙар «Башҡорт теле һәм әҙәбиәте йыл уҡытыусылары менән матбуғат конференцияһы»нда яңғыраясаҡ.

Фото: Т. АМАНОВ.