Ниндәй генә хәл булмаһын, ташҡын осоро ла етә...

БР Хөкүмәте Премьер-министры Андрей Назаров ҡаты коммуналь ҡалдыҡтар буйынса реформаны ғәмәлгә ашырыуға арналған кәңәшмәлә белдереүенсә, беҙгә ташҡынға һәм шәмбе өмәләренә ентекле әҙерләнергә кәрәк.

Һыу баҫыу хәүефе булған ерҙән дә сүп-сарҙы ваҡытында сығарыу мотлаҡ. Был йәһәттән Өфөнөң баҡсасылыҡ ширҡәттәренән ҡыйҙы сығарыу йәһәтенән муниципалитеттар төбәк операторҙары менән килешеү төҙөүҙе тәьмин итергә тейеш. Тәғәйен график та булыуы шарт. Әлбиттә, кешеләрҙең яуаплылығы ла кәрәк.

Шуны онотмағыҙ: ташҡын йыл һайын була. Тәбиғәт шарттарының үҙенсәлекле булыуын иҫәпкә алып, уға әҙер тороу мөһим.